Крилниот напаѓач на Баерн Минхен, Лирој Сане, е подготвен да направи разни отстапки за да потпише нов договор со клубот. Неговиот сегашен договор истекува на лето, а тој сѐ уште не добил понуда за нов.
29-годишниот фудбалер е подготвен да ја намали својата плата, како и да се обврзе со Баерн само за две наредни сезони. Покрај тоа, ќе прифати неговата заработка да биде поврзана со неговиот ефект на теренот.
Сега, Сане одбива да ги разгледува понудите од други клубови.
„Не размислувам за тоа во моментов, туку ќе се фокусирам на Баерн и ќе се обидам да бидам што поуспешен со тимот“, додаде тој.
Оваа сезона, Лирој Сане има одиграно 22 натпревари за Баерн Минхен во сите натпреварувања, постигнувајќи седум голови.
