Кожуф ги стартуваше подготовките под раководство на новиот тренер Славчо Георгиевски

Македонскиот второлигаш Кожуф денеска официјално ги започна подготовките под водство на новиот тренер, Славчо Георгиевски. Поранешниот македонски репрезентативец и интернационалец ја презема функцијата по заминувањето на досегашниот тренер, Филип Деспотовски, кој зимава ја напушти екипата.

Георгиевски, кој последен пат беше дел од тимот на Скопје, има богато искуство во работа со младински категории во повеќе клубови, каде што оствари значителни успеси.

Ова го прави идеален за задачата со Кожуф, со оглед на тоа што гевгелискиот тим има состав богат со млади фудбалери.