Милан направи неверојатен пресврт и со триумф од 3-2 против градскиот ривал Интер го освои Суперкупот на Италија во Ријад. Новиот тренер на „росонерите“, Серџо Консеисао, успеа за една седмица да вгради нов дух во тимот и да ги победи и Јувентус и Интер во ова натпреварување кое се одржа во Саудиска Арабија.
Лаутаро Мартинез во последните мигови од првото полувреме донесе предност за Интер, а Мехди Тареми во 48.минута зголеми на 2-0. Тогаш сите помислија дека актуелниот италијански шампион ќе се стигне до трофејот.
Но, потоа се случи голем пресврт. Тео Хернандез од слободен удар намали во 52.минута, Кристијан Пулишиќ израмни на 2-2 во 80.минута, а Тами Ејбрахам во 93.минута се погрижи за неверојатниот пресврт и за голем триумф и трофеј за Милан.
