Шкендија ги почна подготовките за вториот дел од сезоната (ФОТО)

Фудбалерите на Шкендија први се фатија за работа во 2025 година. Тренерот Јетон Беќири ја одржа првата прозивка, а потоа и првиот тренинг со тимот, стартувајќи ги подготовките за вториот дел од сезоната.

Првата фаза ќе биде одработена во Тетово, а потоа тимот ќе замине на подготовки во Анталија каде ќе одигра неколку пријателски натпревари.

Клубот објави дека се раздели со голманот Давор Талески и со напаѓачот Бамба, кој беше повреден во првиот дел од сезоната.