Македонскиот прволигаш Тиквеш денеска го претстави новото засилување за вториот дел од сезоната, 26-годишниот офанзивен играч Даниел Миловановиќ. Договорот меѓу Миловановиќ и клубот е со важност од една година, што значи дека тој повторно ќе игра за својот матичен клуб во родниот град Кавадарци.
Миловановиќ, кој досега беше дел од Брера Струмица, се враќа во Тиквеш со амбиција да му помогне на тимот да постигне подобри резултати во продолжението од сезоната. Овој трансфер претставува емоционално враќање за играчот во дресот на клубот каде што ја започна својата кариера.
