Бразилскиот тим Ботафого е новиот освојувач на Копа Либертадорес. Ова се случи по победата со 3-1 против Атлетико Минеиро во големото финале.
Успехот беше на работ на херојството, бидејќи победниците играа со играч помалку уште од 34-та секунда на натпреварот.
Инаку, составот од Рио де Жанеиро поведе со голови во првото полувреме, постигнати од Луис Енрике во 35. и од Алекс Телеш во 44.минута, додека противникот од Бело Хоризонте намали на почетокот од вториот дел со гол на Едуардо Варгас во 47.минута.
Конечниот резултат беше поставен длабоко во судиското продолжение, кога Жуниор Сантос ја донесе големата радост за победниците.
