Капитенот на Челси, Рис Џејмс, ќе отсуствува околу еден месец и веројатно нема да се врати на терените пред Нова година, објавува „Дејли Телеграф“. Пред неколку дена беше потврдено дека дефанзивецот заработил нова повреда, повторно во форма на истегнување на мускул.
По деталните лекарски прегледи, утврдено е дека ќе му бидат потребни најмалку уште четири недели за целосно закрепнување.
Џејмс ја започна сезоната со повреда, а потоа доби и суспензија од три натпревари, поради што досега во оваа сезона забележа само четири настапи.
„Мислам дека во неговиот случај е најдобро да не зборуваме премногу. Колку повеќе се дискутира, толку повеќе расте притисокот врз него“, изјави менаџерот на Челси, Енцо Мареска.
