Кризата на Манчестер Сити не заврши и после репрезентативната пауза. Некогашната гол-машина на Пеп Гвардиола сега изгледа апсолутно расипана, па дојде Тотенхем на „Етихад“ и победи со 0-4.
Дефанзивата е очајна, а нападот на Манчестер Сити на овој меч исто така беше немоќен. Беа создадени неколку шанси за Ерлинг Халанд кои тој не ги искористи, а одличен беше и голманот на Тотенхем, Викарио.
Џејмс Медисон во првото полувреме го шокираше Гвардиола со два гола. Тој во 13.минута го отвори резултатот, а седум минути подоцна зголеми на 0-2.
Третиот гол беше дело на Педро Поро во 53.минута, а Бренан Џонсон го заокружи триумфот со уште еден гол во судиското продолжение.
