Хакими потпиша нов договор со ПСЖ

Одбранбениот играч на ПСЖ, Ашраф Хакими, потпиша нов договор со клубот, откриваат француските медиуми. Новиот договор на Мароканецот е со важност до летото 2029 година.

Преговорите меѓу двете страни биле финализирани уште во август. Се очекува во наредните денови веста да биде официјално објавена.

ПСЖ го доведе Хакими во летото 2021 година од Интер. Десниот бек брзо стана клучна фигура во тимот.

Од почетокот на сезоната, десниот бек има одиграно девет натпревари и забележано три асистенции.