Супер-пресврт на Тотенхем за убедлив триумф против Астон Вила (ВИДЕО)

Тотенхем оствари убедлив триумф од 4-1 против Астон Вила, откако сите четири гола ги постигна во вториот дел. Првото полувреме им припадна на гостите кои имаа предност на паузата со голот на Морган Роџерс во 32.минута.

Бренан Џонсон во 49.минута го израмни резултатот, а потоа следеа два гола на Доминик Соланке кој го реши мечот. Напаѓачот на Тотенхем постигна голови во 75. и во 79.минута, а триумфот го завери Џејмс Медисон со погодокот во 96.минута.