Голгетерот на Ливерпул, Мохамед Салах, продолжува да пишува историја не само во историјата на клубот, туку и во Премиер – лигата. Египќанецот го забележа своето најново импресивно достигнување на Островот, откако постигна гол при победата на тимот од „Енфилд“ со 2-1.
Крилниот напаѓач на „црвените“ го постигна својот 164. погодок во англиската елитна лига, со што ги остави зад себе легендата на клубот од градот на Битлси – Роби Фаулер (163) и поранешниот играч на Тотенхем – Џермејн Дефо (162).
Лидер на листата е Алан Ширер со 260 погодоци, а во Топ 3 се вклучени Хари Кејн (213) и Вејн Руни (208). Следуваат Енди Кол (187), Серхио Агуеро (184), Френк Лампард (177) и Тиери Анри (175).
Ако продолжи на овој начин и ако остане здрав, Салах има шанси до крајот на сезоната да го престигне барем уште двајца играчи во оваа листа. Неговиот договор со Ливерпул е до крајот на сезоната, но не е јасно дали ќе го продолжи.
