Поранешниот тренер на Барселона, Чави Хернандез, би можел да седне на клупата на Милан. Раководството на клубот не е задоволно од резултатите на Пауло Фонсека, кој го презеде тимот пред почетокот на сезоната.
Чави, како играч беше еден од најдобрите фудбалери од средниот ред во историјата на фудбалот, капитен на Барселона и член на славната генерација на каталонскиот клуб.
Во текот на богатата кариера имаше понуда да прејде во Милан. Силвио Берлускони не жалеше пари за да го доведе на „Сан Сиро“. На крајот, Чави не потпиша за „росонерите,“ но сега би можел да дојде како тренер.
Контактите се воспоставени, а очигледно е дека управата на Милан не е задоволна со Фонсека.
