Италијанскиот првак Интер се доближи до лидерот Наполи на четири бода негатива откако го победи Емполи на гости со 0-3. „Нероаѕурите“ го искористија црвениот картон во домашниот тим кој го доби Гоклихидзе во 31.минута и во второто полувреме постигнаа три гола.
Фратези го отвори резултатот во 50.минута, а потоа и уште еднаш стрелаше во 67.минута.
Конечниот епилог го постави Лаутаро Мартинез со погодокот во 79.минута.
Венеција со голем пресврт славеше против Удинезе со 3-2. Ловриќ и Браво донесоа два гола предност за гостите, кои потоа останаа со фудбалер помалку поради исклучувањето на Исак Туре.
Похјанпало намали од пенал пред крајот на првиот дел, Николуси-Кавилја израмни на 2-2, а во 86.минута Похјанпало после уште еден пенал донесе неверојатен пресврт и за триумф од 3-2.
