Манчестер Јунајтед се подготвува за назначување на Рубен Аморим за нов менаџер, но според медиумите во Португалија, може да се чека дури еден месец за негово официјално преземање на функцијата. Спортинг Лисабон потврди дека Јунајтед се подготвени да ја платат откупната клаузула на Аморим од 10 милиони евра, а и самиот тренер дал согласност за трансферот.
На прес-конференцијата, Аморим индиректно потврди дека преговорите се во тек, но нагласи дека моментно е фокусиран на својот тим и подготовките за следниот натпревар против Естрела Амадора. Иако со ентузијазам се зборува за неговото назначување на „Олд Трафорд“, одложувањето се должи на правни прашања, вклучувајќи и договарање за ангажманот на неговите асистенти Даниел Фернандеш, Аделио Кандидо и тренерот на голманите Хорхе Видал, кои се очекува да го следат во Манчестер.
Од Манчестер Јунајтед бараат да го забрзаат процесот и Рубен Аморим да започне што е можно поскоро со работа на „Олд Трафорд“. Во меѓувреме, вечерва тимот ќе го предводи Руд ван Нистелрој на осминафиналниот натпревар од Карабао купот против Лестер.
