Промашениот пенал на Кристијано Роналдо се покажа како фатален за Ал-Наср, кој е елиминиран во осминафиналето на Кралскиот куп во Саудиска Арабија. Португалецот шутираше над голот од белата точка во судиското продолжение, а неговиот тим загуби со 0-1 од Ал-Тавон.
Ова е второ последователно разочарување за Ал-Наср, по ремито 3-3 против Ал-Холуд во првенството пред неколку дена. На тој натпревар Роналдо не настапи.
Вечерва тимот на Стефано Пиоли беше апсолутен фаворит, но повторно не успеа да победи. Во второто полувреме влегоа Садио Мане и Отавио, но ни тие не помогнаа.
Голот за гостите го постигна Флавио во 71. минута. На самиот крај на натпреварот, Роналдо имаше шанса да израмни од пенал, но неговиот удар беше непрецизен.
Ал-Хилал немаше проблеми против Ал-Таи и победи со 4-1. Во следната рунда се пласираа и Ал-Раид и Ал-Фајха.
