Рома доживеа дебакл, загуби со 5-1 на гости од Фиорентина, а реномираните италијански спортски медиуми наведуваат дека мечот во Фиренца најверојатно ја запечати судбината на хрватскиот тренер Иван Јуриќ. Иако Јуриќ, кој е високо ценет во Италија, ја презеде Рома во средината на септември, се чини дека неговиот мандат може да заврши по само месец и пол.
Веќе на почетокот на октомври, по само неколку натпревари под водство на Јуриќ, медиумите пишуваа за можен отказ, бидејќи сопствениците биле незадоволни од играта на тимот. Иако во првите четири натпревари имаше само еден пораз, резултатите значително се влошија. Во осум натпревари, Јуриќ постигна три победи, две нерешени и три порази, а последниот, катастрофален пораз од Фиорентина, ги засили шпекулациите за заминување.
„Газета дело Спорт“ наведува дека Јуриќ е во голем ризик од отпуштање по овој резултат. Според весникот, Рома под водство на Јуриќ е „здодевна, пасивна и во целосен хаос,“ при што алармот одамна е вклучен, а ситуацијата сега е критична.
Медиумите на Апенините пишуваат дека екипата изгубила верба во Јуриќ по последната „срамна претстава“.
Како потенцијални наследници се споменуваат Даниле Де Роси, кој беше заманет токму од Јуриќ, но и Роберто Манчини.
