Барселона го совлада Реал Мадрид во Ел Класико со 0-4 во Мадрид, со што се оддалечи шест бодови пред својот најголем ривал по 11 одиграни кола во шпанското првенство.
Покрај победата на теренот, Барса се пошегува со своите ривали и на социјалната мрежа „X“ (поранешен Twitter).
Шегата беше насочена кон дури 12 офсајд позиции, замка во која падна Реал, како резултат на добрата одбранбена игра на Барселона. Само Килијан Мбапе беше фатен во недозволена позиција дури осум пати.
„Офсајд, не е важно кога го читате ова,“ напиша Барселона, со фотографија на помошниот судија кој држи знаме во воздухот и тренерите на двата тима во позадина.
