Шкендија има најлесна задача во осминафиналето на Купот на Македонија. Во Тетово ќе пристигне третолигашот Шкендија Арачиново, кој во минатата рунда го елиминираше Работнички. Тоа сепак треба да биде аларм и за тимот на Јетон Беќири дека треба максимално сериозно да го сфатат овој дуел.
Фокусот е кон Националната арена „Тодор Проески“ каде ќе се сретнат Вардар и Тиквеш. По меѓусебните обвинувања за прекинатиот натпревар во Кавадарци, кога на Тиквеш не му беше признат гол поради офсајд ситуација, а беше нападнат помошниот судија Гоце Петрески, имаше и „медиумски дуел“ меѓу двата клуба. Сега повторно ќе ги одмерат силите на теренот во Купот на Македонија.
Вардар е во резултатска криза, а и на Тиквеш оваа сезона му почна многу полошо од очекувањата.
Гостивар со нов тренер ќе игра против Брегалница, а Пелистер на домашен терен ќе го пречека Детонит Плачковица.
Шампионот Струга Трим Лум ќе се сретне со второлигашот Македонија ЃП, а во Кратово ќе има интерес дуел меѓу Силекс и Шкупи.
ДВОЈКИ, ОСМИНАФИНАЛЕ КУП НА МАКЕДОНИЈА (14 часот)
БРЕРА – БЕСА
ВАРДАР – ТИКВЕШ
ГОСТИВАР – БРЕГАЛНИЦА
ПЕЛИСТЕР – ДЕТОНИТ ПЛАЧКОВИЦА
ШКЕНДИЈА – ШКЕНДИЈА АРАЧИНОВО
СТРУГА ТЛ – МАКЕДОНИЈА ЃП
СИЛЕКС – ШКУПИ
АРЕСИМИ – ВОСКА СПОРТ
