Младата фудбалска репрезентација на Македонија до 21 година денеска (18 часот) во Грузија го игра последниот натпревар од тековните квалификации за ЕП. По триумфот над Молдавија во Скопје, се очекува избраниците на Драган Канатларовски да прикажат допадлив фудбал и на ова гостување.
Домаќинот Грузија е мотивиран, со оглед дека со триумф ќе го освои второто место во групата и ќе ја продолжи шансата за пласман на ЕП, прескокнувајќи ја Шведска.
Македонија ќе заврши на четвртата позиција, но сигурно дека младите фудбалери ќе сакаат за крај да одиграат натпревар на високо ниво.
