Марио Илиевски се приклучи на последниот тренинг на А-тимот во Торшавн (ФОТО)

Напаѓачот на младата репрезентација, Марио Илиевски, доби дополнителен повик од селекторот Благоја Милевски во А-тимот. Тој се приклучи на последниот тренинг пред утрешниот дуел со Фарски Острови, откако синоќа играше за младата репрезентација во поразот (5-0) од Холандија во Алмере.

Милевски се реши да повика дополнителен фудбалер во нападот откако пред заминувањето за Торшавн отпаднаа Александар Трајковски и Милан Ристовски поради повреди.