Реал Мадрид оствари триумф (2-0) над Бетис на „Сантијаго Бернабеу“, а француската ѕвезда Килијан Мбапе конечно ја отвори сметката за голови во Ла Лига. Тој ги постигна двата гола за „кралскиот клуб“ на овој дуел и го врати Реал во победнички ритам.
Долго Реал бараше начин како да ја пробие одбраната на Бетис. Во 67.минута, Валверде изведе магија, со петица му подаде на Мбапе, кој излезе сам пред противничкиот голман и го совлада.
Во 75.минута, Винисиус Жуниор изнуди пенал, топката повторно ја зеде Мбапе и ја испрати уште еднаш во мрежата за триумф од 2-0.
