Уругвајскиот фудбалер Хуан Искиердо (27) почина во болница откако минатата недела се сруши на теренот. Одбранбениот играч на уругвајскиот Насионал колабираше за време на натпреварот од Копа Либертадорес против Сао Паоло во Бразил. Искиердо падна во бессознание во 84. минута, а откако лекарите му пружија прва помош на теренот, веднаш беше пренесен во локалната болница.
Таму беше задржан до вторник. На почетокот се чинеше дека ќе се извлече, но неговата состојба се влоши и трагично почина. На натпреварот доживеа срцева аритмија, поради што мозокот не добиваше доволно кислород. Состојбата се влошуваше, и лекарите не можеа да ја спречат неговата прерана смрт, пишува „ЕСНП“.
Поради трагичниот настан, сите натпревари беа одложени.
„Со голема тага и шок во нашите срца објавуваме дека нашиот сакан играч Хуан Искиердо почина. На неговото семејство, пријателите, колегите и најблиските им изразуваме најискрено сочувство. Жалиме за оваа ненадоместлива загуба“, стои во соопштението на Насионал.
Уругвајската фудбалска федерација, поради овој трагичен настан, ги одложи сите натпревари изминатиот викенд. Искиердо играше за пет уругвајски клубови, Серо, Пенарол, Вондерерс, Ливерпул и за Насионал. Исто така настапуваше и за мексиканскиот Сан Луис.
