Фитон Адеми ја замолкна Брера, Шкендија е на врвот, заедно со Гостивар и со Работнички

Шкендија и понатаму е непоразена по три кола, а вечерва во Струмица ја оствари втората победа оваа сезона совладувајќи ја Брера со 0-2. Двоен стрелец за тетовци беше Фитон Адеми.

По првиот дел немаше голови, но Шкендија притисна уште посилно во второто полувреме. Тоа донесе резултат.

Фитон Адеми во 47.минута погоди за водство, а потоа во 63.минута уште еднаш ја затресе мрежата на Брера и го смири домаќинот. Бодовите патуваат за Тетово.

Претходно, Работнички го победи шампионот Струга ТЛ со 2-0, а и Гостивар славеше со 0-2 против Воска на гости.

Шкендија, заедно со Гостивар и со Работнички е на врвот, со по седум освоени бода.

Шкупи во дербито го декласира Вардар со 3-0, а Беса ја оствари првата прволигашка победа откако го совлада Тиквеш со 1-0. Пелистер исто така со 1-0 беше подобар од Силекс.