Парма има одличен старт на сезоната во Серија А откако го совлада Милан со 2-1 и стигна до четири освоени бода по две кола.
Денис Ман во втората минута обезбеди предност за „росонерите“, но израмни Кристијан Пулишиќ во 66.минута. Сепак, триумфот на Парма го донесе Матео Канселиери со голот во 77.минута од дуелот.
Удинезе исто така славеше со 2-1 против Лацио пред домашна публика. Лоренцо Лука во петтата минута донесе водство за тимот од Удине, а Товин во вториот дел зголеми на 2-0.
Удинезе од 68.минута играше со фудбалер помалку поради исклучувањето на Камара, а почесниот погодок за Лацио го постигна Исаксен во 95.минута од мечот.
