Тимот на Реал Мадрид нема да може да смета на својата ѕвезда Џуд Белингам околу еден месец, известуваат шпанските медиуми, повикувајќи се на медицинските прегледи на играчот. Причината е мускулна повреда на десната нога на играчот, предизвикана од удар за време на денешниот тренинг на тимот.
Поради повредата, се очекува Белингам да пропушти најмалку пет натпревари на мадриѓаните: четири дуели во Ла Лига, против Валјадолид, Лас Палмас, Бетис и Реал Сосиедад, како и првиот натпревар на тимот во Лигата на шампионите.
Дополнително, 21-годишниот фудбалер нема да биде на располагање на Англија за натпреварите од Лигата на нации во септември.
