
Актуелниот шампион Струга Трим Лум со минимален триумФ (1-0) против Тиквеш на домашен терен ја отвори новата сезона во Првата лига. Стружани сѐ уште се во шок по заминувањето на првиот стрелец Бесарт Ибраими, но, во финишот успеаја да пронајдат решение за одбраната на кавадарчани. Басиру Компаоре во 89.минута ја погоди мрежата на Тиквеш за три бода на стартот.
Шкендија славеше на гости против Беса со 1-3, а изненадувањето на денот го приреди Воска Спорт која ремизираше со Шкупи (3-3) на стадионот „Борис Трајковски“ во Маџари.
Фитон Адеми беше стрелец на првите два гола, во 11. и во 21.минута, а потоа Ремзифаик Селмани намали од пенал во 35.минута. Во 63.минута, беше досуден пенал и за Шкендија, а го реализираше Бесарт Ибраими.
Џемал Ибиши го доведе Шкупи во водство од 1-0 во 14.минута, но потоа како избраниците на Ернест Ѓока да помислија дека сѐ е решено. Јахја успеа да израмни, а потоа следеа уште два гола за гостите во вториот дел преку Осеи и Ибраими. Но, и Шкупи се врати делумно и успеа да не загуби. Погодија Гуеје и Едмундсон за конечни 3-3.
Работнички успешно го отвори првенството со триумф од 1-0 против Силекс на арената „Тодор Проески“. Стрелец на победничкиот гол беше Кристоџеј Дејли во 45.минута од натпреварот.
Пелистер и Гостивар во Битола ремизираа 1-1. Алпер Потук го доведе Гостивар во водство во 36.минута, а израмни Александар Ристевски во 45.минута.
Брера и Вардар го затвораат првото коло со натпреварот кој е закажан од 20 часот, на стадионот „Благој Истатов“ во Струмица.
ПРВА ЛИГА, 1. КОЛО – РЕЗУЛТАТИ
СТРУГА ТЛ – ТИКВЕШ 1-0
РАБОТНИЧКИ – СИЛЕКС 1-0
БЕСА – ШКЕНДИЈА 1-3
ПЕЛИСТЕР – ГОСТИВАР 1-1
ШКУПИ – ВОСКА СПОРТ 3-3
БРЕРА – ВАРДАР (20 ЧАСОТ)

-
МАКФУДБАЛ ТИМ НА КОЛОТО ВО ПРВАТА ЛИГА
Струга Трим Лум оствари важен триумф против Работнички на Националната арена „Тодор Проески“ и...
Автор makfudbal
-
(ИН)ДИРЕКТ: Јас би ја казнил Шкендија 59 меча да игра без публика!
Трагедијата во Кочани се случи, сигурно дека можеше да се превенира, но со оглед...
Автор Nikola Gjurovski

Интернационалци
Дориев двоен стрелец за Согдиана (ВИДЕО)

Евро-фудбал
Ако Реал денеска загуби, Анчелоти ќе добие отказ
