Манчестер Сити ќе се раздели со напаѓачот Хулијан Алварез, кој до крајот на денот ќе пристигне во Мадрид за да потпише петгодишен договор со Атлетико. Според медиумите на Островот, зделката е проценета на 81 милион фунти, носејќи значителна добивка на Сити.
Атлетико Мадрид се договорил за почетна сума од 75 милиони евра (64 милиони фунти) за напаѓачот, а со додавањето на бонусите поврзани со неговите настапи, конечната вредност на трансферот може да достигне до 95 милиони евра (81 милион фунти).
Алварез, кој дојде во Манчестер Сити од Ривер Плата пред две и пол години за 14 милиони фунти, беше важен играч за клубот, освојувајќи шест трофеи, вклучувајќи две титули од Премиер – лигата и една Лига на шампионите. За време на неговиот престој во Сити, тој исто така ја освои Копа Америка и Светското првенство со националниот тим на Аргентина.
Алварез постигна 36 голови и додаде 18 асистенции во 103 натпревари за Манчестер Сити. Иако англиските шампиони се обидоа да го задржат, се претпоставува дека напаѓачот е мотивиран да го зголеми своето време на игра, што е главната причина за трансферот.
Атлетико Мадрид покажа сериозен интерес за Алварез уште од почетокот на неделата и размислуваше за вклучување на Жоао Феликс во зделката за да го забрза трансферот. Сепак, тоа не се случи.
