Манчестер Јунајтед отпочна прелиминарни разговори со Монако за фудбалерот за врска Јусуф Фофана, објавува „Скај Спортс“.
„Црвените ѓаволи“ ја истражуваат можноста за привлекување на играчот, кој е француски репрезентативец и влегува во последната година од неговиот договор.
Фофана игра за Монако од 2020 година, кога беше привлечен од Стразбур и има 175 настапи за тимот, при што постигна седум гола.
На „Олд Трафорд“ очигледно се во потрага по дефанзивен играч од средниот ред, откако беа поврзувани со Мануел Угарте од ПСЖ, кој сè уште е опција, како и со други играчи.
Во исто време, Фулам го прекина интересот за Скот Мектоминеј, кој исто така игра на оваа позиција. Јунајтед одби две понуди за фудбалерот, кој очигледно треба да биде продаден за да се отвори место за нов играч за врска.
