Гостивар не се шегува и создава тим за шампионска титула. Најновото име во овој летен преоден рок е поранешниот напаѓач на Монако и на Фенербахче, Набил Дирар (38). Мароканскиот интернационалец (38) играше за Фенербахче во периодот кога турскиот тим вкрсти против Вардар во европските купови, а од 2012 до 2017 година го носеше дресот на Монако. Претходно беше член на белгискиот Клуб Бриж.
Дирар доаѓа во Гостивар од Шифланш 95, клубот од Луксембург и се очекува во текот на денешниот ден да биде официјално промовиран како нов фудбалер на македонскиот прволигаш.
