Работнички и Пелистер ремизираа (1-1) на тестот во Охрид

Работнички и Пелистер ремизираа 1-1 на пријателскиот натпревар што се одигра на стадионот “Билјанини извори” во Охрид. Во првото полувреме немаше голови, а стрелците за размрдаа во вториот дел.

Атдхе Мазари во 50.минута донесе водство за Работнички. Тој беше убаво проигран, излезе сам пред противничкиот голман и ја погоди мрежата.

Пелистер израмни во 63. минута преку Дамјан Масевски. Тој одлично реагираше и успеа со лоб удар да го надмудри Игор Алексовски.

Брера Струмица на стадионот „Благој Истатов“ во Струмица оствари победа од 2-1 против соседот Беласица.

Утре ќе биде познат календарот за новата сезона, која почнува на 10/11 август.