Новиот македонски прволигаш Беса официјално информираше дека во претстојната сезона во Првата лига своите домашни натпревари ќе ги игра на стадионот во Гостивар. Оваа информација веќе подолг период беше позната, но сега е потврдена и од клупското раководство.
„Со задоволство објавуваме дека раководството на клубот постигна важен договор со Општина Гостивар за претстојната сезона 2024/25. Од овој момент, сите домашни натпревари на ФК Беса ќе се играат на Градскиот стадион во Гостивар. Овој чекор означува ново поглавје, обезбедувајќи поволна околина за нашите навивачи и играчи“, објави Беса.
