Голем број навивачи на АЕК Атина вечерва се собраа пред аеродромската зграда, со факели и песни, да го пречекаат големото засилување и големо фудбалско име Ерик Ламела.
Аргентинецот не е во „шпицот“ во кариерата, но, сепак, сѐ уште има што да понуди на фудбалски план. Грција му доаѓа како идеална станица во оваа фаза од кариерата.
Ламела пристигнува во клубот на покана на неговиот сонародник и пријател Матијас Алмеида, тренерот на АЕК. Ќе заработува 2,5 милиони евра по сезона, што е најголем договор во историјата на АЕК.
