Барселона со уникатно видео го претстави новиот домашен дрес за сезоната 2024/25, а навивачите се воодушевени од изгледот на дресот и од појавата на легендите на клубот во видеото.
„Вдахновен од наследството, патеката и корените на клубот“, се наведува во описот на видеото кое каталонскиот гигант го објави на социјалните мрежи.
Новиот дрес е произведен од американскиот бренд Најк, со кој Барселона неодамна потпиша договор на десет години вреден 120 милиони евра по сезона. Неодоливо потсетува на оној од сезоната 2006/07, бидејќи грбот е на средината, а дресот не е направен со вообичаениот дизајн со пруги, туку левата страна е во сина боја, а десната во црвена. Во видеото се појавуваат актуелни играчи на Барселона, но и легендите Роналдињо, Карлес Пујол и Андрес Иниеста.
„Дали е можно дека нашиот медиумски тим го продуцирал ова?“
Коментарите под објавата на Барселона се исклучително позитивни, а некои се и шокирани. „Дали е можно дека нашиот медиумски тим го продуцирал ова? Вау“, „Никогаш не сум видел поубави бои“, „Дефинитивно ќе го купам и носам овој дрес“, „Апсолутно прекрасен дрес, а презентацијата буди убава носталгија“, „Најдобра презентација на дрес досега“, се само некои од коментарите на воодушевените навивачи.
