Тиквеш се спаси од пеколот, на Исланд е барем „ладничко“ (ФОТО)

Освојувачот на Купот, тимот на Тиквеш, го одработи официјалниот тренинг во пресрет на утрешниот реванш меч против Брејдаблик. На Исланд замина со предност од еден гол, по триумот од 3-2 во Скопје и, ако ништо друго, барем таму е „ладничко“.

За момент кавадарчани не ги мачи „пеколот“ во Македонија, но ќе мора брзо да се привикнат на новите временски услови.

Вечерва во Копавогур околу 10 степени Целзиусови, тоа е разлика од 30 и кусур степени, па тоа секако ќе претставува мал проблем за избраниците на Ѓорѓи Мојсов. Сепак, сѐ е подобро од „македонскиот вршник“.

Реванш натпреварот меѓу Брејдаблик и Тиквеш од првото квалификациско коло во Конференциската лига се игра утревечер, со почеток во 21.15 часот.