Познати се составите: Ќатип Османи ги уфрли Радески и Спировски во стартниот тим против Слован

Тренерот на Струга Трим Лум, Ќатип Османи, направи две замени во стартниот тим во однос на првиот меч со Слован во Братислава. На денешниот реванш меч во Охрид, стартери се Марјан Радески и Стефан Спировски.

На местото на Малески во нападот влезе поискусниот Марјан Радески, а на местото на Укпа стартер е Спировски. Најновото засилување Кехинде е на клупата за резерви.

Натпреварот меѓу Струга Трим Лум и Слован Братислава на стадионот „Билјанини извори“ почнува во 17 часот, а словачкиот шампион има предност од 4-2 по првите 90 минути.

Победникот од овој двомеч во второто квалификациско коло во ЛШ ќе игра против словенечкиот тим Целје, додека поразениот ќе игра во второто квалификациско коло во Конференциската лига против Динамо Минск (Белорусија) или Пјуник (Ерменија).