Челниците на англискиот фудбал ја разгледуваат можноста да му го доверат националниот тим на Пеп Гвардиола. Според медиумите на Островот, Фудбалската асоцијација е подготвена да чека до следното лето, кога истекува договорот на Шпанецот како менаџер на Манчестер Сити. Во меѓувреме, ќе биде назначен времен селектор кој ќе го води тимот на претстојните натпревари.
Оваа опција е на маса откако вчера Гeрет Саутгејт се повлече од позицијата селектор на гордиот Албион.
Гвардиола е во англискиот фудбал веќе осум години и има извонредни шест титули во Премиер – лигата.
Тимот на Англија се соочува со учество во Лигата на нациите, каде што тимот испадна од елитната дивизија А. Квалификациите за СП 2026 започнуваат на крајот на март 2025 година.
