Претседателот на УЕФА, Александар Чеферин, може да се кандидира за нов мандат повторно во 2027 година, објави “Гардијан”.
Во февруари, Конгресот на УЕФА направи промени во статутот на организацијата, кои ќе му овозможат на 56-годишниот функционер да остане на претседателската позиција до 2031 година. Порано, Чеферин изјави дека не планира да се кандидира за нов мандат.
Според изворот, шефот на УЕФА разговарал со претставници на неколку европски федерации за потенцијалното откажување на своето ветување. Тој е поддржан од околу 20 членки на УЕФА.
Главната причина на Чеферин е недостатокот на соодветен наследник. Во моментот, ниту еден кандидат не изразил лична желба да се кандидира за позицијата претседател на УЕФА.
Чеферин беше избран на функцијата во септември 2016 година. Претходно, тој беше шеф на Фудбалската асоцијација на Словенија.
