Швајцарскиот репрезентативец Џердан Шаќири официјално ја заврши кариера во националниот тим. Играчот од средниот ред објави емотивна порака на социјалните мрежи.
„Седум турнири, многу голови, 14 години со швајцарската репрезентација и незаборавни моменти. Време е да се простам од националниот тим. Прекрасните спомени остануваат и сакам да им кажам на сите – ви благодарам!“, напиша тој на „X“.
Последниот турнир за Шаќири беше ЕВРО 2024, каде што се појави како резерва во селекцијата на Мурат Јакин. Швајцарците го завршија настапот по пеналите во четвртфиналето против Англија.
