Англискиот премиерлигаш Манчестер Јунајтед го потпиша напаѓачот на Болоња и Холандија, Џошуа Зиркзе, во зделка вредна 36,54 милиони фунти.
23-годишниот играч потпиша петгодишен договор на „Олд Трафорд“, со можност за дополнителни 12 месеци.
Договорот на Зиркзе со Болоња вклучуваше откупна клаузула од 40 милиони евра (33,6 милиони фунти), но Манчестер Јунајтед се одлучи да се согласи на малку зголемена цена за да ја плати сумата во период од три години, што помага во правилата за профит и одржливост.
Зиркзе е првото засилување откако Сер Џим Ратклиф стана ко-сопственик со купување на 27,7% удел во клубот во декември минатата година.
Тој постигна 12 гола во 37 настапи минатата сезона додека тимот на Болоња обезбеди изненадувачко место во Лигата на шампионите оваа сезона.
Зиркзе се приклучи на Баерн Минхен од Феенорд во 2017 година, пред да се пресели во Болоња за околу 7,15 милиони фунти пет години подоцна.
Тој беше вклучен во селекцијата на Роналд Куман за ЕВРО 2024, но одигра само два натпревари како замена за Холандија, која загуби од Англија во полуфиналето.
