Фудбалската федерација на Парагвај го отпушти селекторот на националниот тим Даниел Гарнеро по неуспехот на Копа Америка.
Парагвај ги загуби сите свои натпревари во групната фаза од Колумбија со 1-2, од Бразил со 1-4 и од Костарика со 1-2 на тековниот турнир во САД.
Гарнеро, 54-годишен Аргентинец, беше на функцијата помалку од година и само за десет натпревари. Тимот постигна само пет гола и прими 13, откако тој го презеде тимот во септември 2023 од Гиљермо Барос Шелото.
Парагвајската фудбалска асоцијација не објави негов наследник.
