Германскиот ас Тони Крос ја заврши фудбалската кариера. Откако се збогува со Реал Мадрид по завршувањето на клупската сезона, сега Крос дефинитивно ги остави копачките затоа што и Германија е елиминирана од Европското првенство
Првото прашање на германските новинари беше дали ќе се врати да живее во својата земја или ќе остане во Шпанија, каде живее веќе 10 години.
„Германија веќе не е земја каква што беше пред 10 години и тоа е поради масовната миграција. Прашањето околу масовната миграција стана премногу неконтролирано. Секаде има проблеми. Премногу луѓе има насекаде во градовите, а проблемот е затоа што не можете да ги разликувате добрите од оние кои не се добри. Ќе останам во Шпанија, мислам дека таму е многу подобро во моментот за моето семејство. Не сум сигурен дека во Германија можам да ја пуштам мојата ќерка сама да излезе навечер“, изјави Тони Крос и предизвика многу бура во германската јавност.
