Манчестер Јунајтед постигна договор со Џирона за трансферот на Дони ван де Бек, објави „Релево”. Зделката вклучува само 500.000 евра како почетна цена, но и лесни бонуси кои можат да ја зголемат сумата до четири или пет милиони евра.
Покрај тоа, Манчестер Јунајтед задржува и солиден процент од евентуалниот иден трансфер на Ван де Бек, што би им донело помеѓу 40% и 50% од било која продажба на играчот.
Ван де Бек беше купен од Манчестер Јунајтед за 39 милиони евра летото на 2020 година, но никогаш не успеа да се потврди како редовен стартер под неколку различни менаџери. Тој беше позајмен во Евертон и во Ајнтрахт Франкфурт, каде што исто така не постигна голем успех.
Новото раководство на Манчестер Јунајтед се обидува да се откаже од играчи кои не допринесуваат значително за тимот веќе неколку години.
