Капитенот Гранит Џака изјави дека силата на Швајцарија е во тимскиот дух и исклучителната сплотеност што ја демонстрираат на теренот. Тие го имаат својот најсилен настап на голем фудбалски форум и стигнаа до дуел со Англија во четвртфиналето на ЕВРО 2024, откако го елиминираа европскиот шампион Италија во првиот круг на елиминациите.
Швајцарија ќе се соочи со Англија од 18 часот денеска во Диселдорф.
„Единството. Верувам дека единството на овој тим, гладот, тоа е она што го прави швајцарскиот тим силен. Немаме играчи кои можат да постигнат повеќе од 30 гола, но имаме силни играчи, што значи дека секој може да се запише меѓу стрелците. Силата на овој тим е што сме како едно, се бориме многу и си зборуваме на теренот. Тоа е она што нè прави силни”, изјави Гранит Џака.
