На натпреварот меѓу Турција и Чешка од третото коло во групата Ф е поставен нов рекорд по бројот на покажани картони на Европско првенство. Натпреварот заврши со победа на Турција од 2-1, а судијата Иштван Ковач покажа вкупно 18 картони – 16 жолти и 2 црвени.
Двајцата исклучени играчи беа од Чешка, Антонин Барак во средината на првото полувреме и Томаш Хори по последниот судиски свиреж, кога дојде до тензија меѓу фудбалерите на двете селекции.
Девет од жолтите картони беа покажани по 80. минута од натпреварот кога се разгореа страстите.
