Португалската мегаѕвезда Кристијано Роналдо во 2013 година ја посети младинската академија на Динамо Тбилиси и се сликаше со децата во знак на промоција на фудбалот во Грузија.
Повеќе од една деценија подоцна, дури 11 деца од таа фотографија сега се репрезентативци на својата земја и од 21 часот во Гелзенкирхен ќе играат против Роналдо на натпреварот од третото коло во групата Ф меѓу селекциите на Грузија и на Португалија.
Меѓу нив е и Квича Кварацкелија, сега веќе голема ѕвезда на грузискиот фудбал и член на Наполи, како и голманот Ѓорѓи Мамардашвили, кој е член на Валенсија.
