Германскиот гигант Баерн Минхен бара сума од 40 милиони евра за да се раздели со репрезентативецот Џошуа Кимих ова лето, тврди германскиот весник „Билд“. Договорот на Кимих со Баерн истекува за една година, по што тој би можел да го напушти клубот како слободен играч.
Ситуацијата околу Кимих најверојатно нема да се разреши пред крајот на Европското првенство кое моментно се одржува во Германија. Сепак, пет големи европски клубови остануваат заинтересирани за него, вклучувајќи ги англиските премиерлигаши Арсенал, Ливерпул и Манчестер Сити, како и шпанските гиганти Барселона и Реал Мадрид.
Преговорите меѓу раководството на Баерн Минхен и Џошуа Кимих за евентуалното продолжување на неговиот договор исто така се одложени за после ЕВРО 2024. Шефовите на клубот треба да донесат конечна одлука дали да инсистираат на обновување на договорот или да го продадат фудбалерот во летниот трансфер период.
