„Л’Екип“ открива: Гризман нема да биде стартер за Франција и се налутил поради одлуката на Дешамп

Антоан Гризман се очекува да не биде меѓу стартерите за Франција против Полска на денешниот последен натпревар од групната фаза на ЕВРО 2024.

Според „Л’ Екип“, 33-годишниот ас од Атлетико Мадрид е „разочаран“ од одлуката на Дидие Дешамп да не го вклучи во стартниот состав.

Франција има четири бода од првите два натпревари, колку што има и Холандија, така што битката против селекцијата на Полска воопшто не е протоколарна, а „петлите“ се јасни фаворити.

Според „Л’ Екип“, Килијан Мбапе ќе се врати во врвот на нападот, а на двете крилни позиции ќе започнат Маркус урам и Осман Дембеле. Во средниот ред ќе игра триото Адриен Рабио, Аурелиен Чуамени и Н’Голо Канте.

Во одбраната треба да бидат Тео Хернандез, Вилијам Салиба, Дајот Упамекано и Жул Кунде. На голот ќе биде Мајк Мењан.