Останатите селекции треба да се плашат од националниот тим на Хрватска и да го почитуваат, и покрај поразот од 0-3 од Шпанија на стартот на Европското првенство во фудбал. Ова го изјави селекторот на Златко Далиќ во пресрет на денешниот меч со Албанија.
„Не беше пријатно да го загубиме првиот наш натпревар на овој начин. Хрватска, сепак, заслужува почит за тоа што го постигнала. На три различни меѓународни турнири стигнавме до подиумот и сè уште не гледаат како Пепелашка. Можеби сме од мала земја, но нашата храброст е безгранична. Резултатите покажуваат дека правиме многу работи подобро од другите нации во последните години. Хрватска секогаш е посилен тим од тоа што го мислат за нас,” изјави Далиќ.
Хрватите ќе се соочат со Албанија во Хамбург од 15 часот и се должни да ги убедат своите фанови дека можат да се борат за нешто големо и на ова Европско првенство.
