Серхио Рамос станува слободен играч за две недели. Славниот шпански дефанзивец нема да го продолжи договорот со Севилја, во која се врати на почетокот од минатата сезона.
Рамос е еден од најдобрите одбранбени играчи на сите времиња. Минатата сезона беше стандарден во Севилја, одигра 37 натпревари, постигна седум голови и еднаш асистираше за 3301 минута игра.
Елитниот стопер кариерата ја започна во Севилја во 1996 година, а во 2005 година премина во Реал Мадрид. Таму играше до 2021 година, а потоа по истекот на договорот прејде во ПСЖ. За репрезентацијата на Шпанија одигра 180 натпревари и постигна 23 голови.
Во кариерата освои сè што можеше да се освои, а за Реал Мадрид во 671 натпревар постигна 101 гол и освои четири трофеи во Лигата на шампионите. Со Шпанија двапати беше европски и еднаш светски првак.
