Фудбалската репрезентација на Англија имаше успешен старт на ЕВРО 2024. На дуелот во Гелзенкирхен, селекцијата на гордиот Албион минимално ја совлада Србија со 1-0.
Стрелец на победничкиот гол беше Џуд Белингам во 13.минута од натпреварот. Тој налета на центаршутот од десната страна и со удар со глава ја затресе мрежата на противникот.
Англичаните имаа убава шанса за втор гол преку Хари Кејн, но не ја искористија, а и Душан Влаховиќ можеше да донесе израмнување. Сепак, триумфот им припадна на Англичаните.
